Plot 11 persona kanë rënë në pranga pasi protestuan para parlamentit, duke kundërshtuar me dhunë prishjen e banesave që preken nga projekti i ndërtimit të Unazës së Madhe.
Protestuesit akuzohen për veprat penale “Plagosje e rëndë me dashje”, “Organizimi dhe pjesëmarrja në grumbullime dhe në manifestime të paligjshme”, “Prishje e rendit dhe qetësisë publike” si dhe “Goditje për shkak të detyrës”.
Kështu, policia bëri arrestimin në flagrancë të shtetasve:
– Alban Ahmetcenaj, 36 vjeç;
– P. A., 17 vjeç;
– Fluturim Goleci, 30 vjeç;
– Rruzhdi Daci, 53 vjeç;
– Marsel Villari, 28 vjeç;
– Erjona Dozhani, 30 vjeç;
– Lulzim Dozhani, 45 vjeç;
– Dorjan Protoduari, 30 vjeç (i shpallur më parë në kërkim nga Kom. Pol. nr.6, për veprën penale “Organizimi dhe pjesëmarrja në grumbullime dhe në manifestime të paligjshme”);
– Ali Nalic, 35 vjeç;
– Amarildo Sinanaj, 30 vjeç;
– Shpati Bilbili, 31 vjeç.
Në protestën e dhunshme u plagosën 12 punonjës policie, mes tyre dy në gjendje më të rëndë, si dhe u lënduan lehtë 3 protestues.
Një efektive humbi 4 gishtat e njërës dorë, pasi i shpërtheu një kapsollë e hedhur nga protestuesit (lexo këtu).
