Mund të na ngjajë si stili në klubet e natës së viteve ’70 ose si një koleksion i paraqitjeve luksoze. Një mjegull e bardhë ndërkohë krijon idenë e tymit të cigares. Ndihet sikur je gjatë xhirimit të një filmi. Por diçka nuk shkon!
“Ti e di kur je në dashuri, në një klub nate, por nuk je në vendin e duhur, personi që kërkon nuk është atje”, tha Alessandro Michele, në prapaskenë. Kështu që imagjinoni sikur jeni të veshur super mirë, por zemërthyer në të njëjtën kohë.
Kishte një fustan mbrëmjeje të zbukurua me një zemër gjigande të kuqe me një shpatë në mes, ndërsa mbi të shkruhet numri me fat i Michele, “XXV” dhe një pjesë nga emri i profilit të tij të “Instagram”-it.
Koleksioni është një risjellje “vintage” e pop-kulturës së shekullit të 20-të, e lidhur me relikat e Rilindjes të krijuara prej tij. Një mënyrë për të kutpuar surealizmin e koleksionit të tij mund të jetë fakti që ai takoi Elton John (që e adhuron) në ceremoninë e “GQ Men of the Year”. Prandaj ai zgjodhi që ta hapte koleksionin me një paraqitje që të sillte vitet ’70, xhaketë me kuadrate, këmishë dhe pantallona të lirshme, që shkruanin në fund “loved”. Kjo fjlaë ishte përdorur thuajse në çdo veshje.
Ndërkohë që këngëtarja Florence Welch lexonte poemat e William Blake në sfond.
Duke u kthyer në të tashmen, Michele ka realizuar një palë këpucësh dy në një. “Ju mund të shikoni se ka këpucë të sheshta brenda, që mund t’i vishni më vete”, tha Michele.
Ajo që ndihmoi punën artizanale të Michele në këtë botë të çuditshme ishte ilustratorja Jayde Fish, e cila kontribuoi me disa piktura që u kthyen në printime.
Jayde Fish
Shumica e dizajnëve ishin të frymëzuara nga kafshë të ndryshëm, gjarpëri ishte dizajni për të cilin ai u shpreh: “Prostitutat në Venecia e vishnin dikur”. Leopardi, zebra, papagalli, kandili, ishin vetëm disa prej kafshëve që do të dalloni në koleksionin e mrekullueshëm të Gucci-t.
Veshjet ishin pothuajse në nivelin e haute couture, që nga kapelat e zbukuruara apo nga qëndisjet.
*Shfleto galerinë
Burimi: Vogue
