Zhytësja kineze He Zi ka marrë një propozim shumë romantik për martesë, pak pasi fitoi medaljen e argjendtë në garën e hedhjes nga trampolina.
25-vjeçarja u suprizua nga i dashuri i saj Qin Kai, gjithashtu sportist i hedhjes nga trampolina, i cili iu ul në gjunjë para podiumit me një unazë në dorë.
Ajo dukej e befasuar dhe e prekur, para se Qin t’i vendoste unazën në gisht dhe t’u bënte shenjë spektatorëve që gjithçka kishte përfunduar me sukses.
“Kemi 6 vjet bashkë. Nuk e dija që do të më propozonte sot, madje as nuk e prisja të martohesha kaq herët. Ai më tha shumë gjëra atje në podium. Bëri shumë premtime, por ajo që më prek më shumë është që mendoj se ky është djali që mund t’i besoj gjithë jetën time”.
Qin, i cili fitoi medaljen e bronztë në të njëjtën disiplinë për meshkuj, i dha bashkëshortes së ardhshme edhe një trëndafil të mbyllur në një kupë qelqi.
