Mbrëmjen e djeshme, u transmetua për herë të parë emisioni “Ëndërrtjerrësit”, programin më të ri në “Top Channel”, i cili realizon takime me personazh televizivë, ku rikujtohen momente nga e kaluara.
Lori Hoxha, ideuesja e këtij programi, ka postuar një ‘story’ në llogarinë e saj të “Instagram” teksa ndjek puntatën e parë.
Ndërkohë, ajo ka postuar një “Ask me a question” ku ka pritur komentet dhe pyetjet e ndjekësve.
Një prej tyre i ka shkruar për kohët e arta të “Top Channel” dhe programet e dikurshme që preferonte t’i shihte më shumë se këto tani.
Lori i ka kthyer një përgjigje të papritur që analizon mënyrën që sipas saj, njerëzit i shikojnë gjërat.
“Kohë të arta ka gjimnazi, kohë të arta ka universiteti, kohë të arta ka dhe pensioni. Kam kuptuar që qënia njerëzore e dashuron të shkuarën dhe shpesh e idealizon. Nostalgjia është problem sepse të bën të besosh që çdo gjë që ka qenë, është më e mirë se ç’është e çdo të jetë. Ato ishin kohët e arta për kohën, këto janë kohë të tjera. Nuk i përjetojmë dot të dyja në kohë reale që të kuptojmë cila na pëlqen më shumë. Kohët ndryshojnë e me të dhe njerëzit e mënyra se si jetojmë. Nuk mund të pëlqejmë e shikojmë të njëjtat gjëra. Ajo ishte atëherë, tani është tani”, ka shkruar ajo.
“Ëndërrtjerrësit” lindi si ide e vetë Lorit, dhe është përfunduar nga Ledion Liço.
