Producenti më i madh i viteve ’80 dhe i disa hiteve në fillimet e viteve ’90, Pete Waterman ka treguar se nuk do të kishte nënshkruar ndonjë kontratë me yllin e tanishëm, Ed Sheeran.
71-vjeçari thotë se Sheeran nuk do të kishte tërhequr fare vëmendjen e tij nëse do ta kishte dëgjuar të luante me kitarë në fund të viteve ’80. Të njëjtën gjë thotë edhe për këngëtarin George Ezra, i cili kohët e fundit mbajti vendin e parë me albumin “Staying at Tamara’s”.
Në një intervistë për MailOnline, producenti tha se i pëlqejnë shumë dy këngëtaret shqiptare, Dua Lipa dhe Rita Ora:
“Unë e dua muzikën moderne, por unë nuk jam aspak një fans i Ed Sheeran, nuk jam fare. Nuk do të kisha nënshkruar për të. Ai bën këngë të mrekullueshme, mos më keqkupto, por është shumë imitues dhe i vogël.
Mund ta merrja ose jo George Ezra-n. Më pëlqen Dua Lipa, e dua Jessie Ware dhe Rita Ora; I dua njerëzit që mund të këndojnë një këngë të mirë. Unë luaj 50 për qind muzikë të re në radion time dhe audienca ime pret të dëgjojë Portugal The Man ose Rag ‘n’ Bone Man – që për mua është muzikë, nuk ka moshë në muzikë”.
Burimi: Daily Mail
