Në emisionin “People” në Euronews Albania, një prind ka denoncuar se bashkëshorti i edukatores, e cila dyshohet se ka keqtrajtuar djalin e tij 3-vjeçar në kopësht, e ka kanosur atë. Ky incident ka ndodhur pas denoncimit të prindit për dhunën ndaj të miturit në ambientet e kopështit “Gledis”, ku edukatorja Rudina Gërdani punonte. Ajo është shpallur në kërkim për keqtrajtimin e të miturit, ndërsa bashkëshorti i saj, I.G., është proceduar nga policia në gjendje të lirë.
Sipas njoftimit të policisë, I.G. është kanosur babain e të miturit, Lorenc Rrapa, përmes telefonit me fjalët: “Do shihemi ndryshe bashkë.” Ky kërcënim ka shtuar tensionin dhe ka rritur shqetësimin e prindërve për sigurinë e familjes.
Lorenci, babai i Priamit, 3-vjeçarit të dhunuar, ka shpjeguar në emisionin “People” se është i vendosur të çojë çështjen deri në fund dhe të mos e falë asnjëherë këtë akt të tmerrshëm. Ai ka theksuar se dhuna ndaj djalit të tij është një shkelje që nuk mund të kalojë pa pasur pasoja dhe ka kërkuar drejtësi për fëmijën e tij.
Ky rast ka nxitur reagime të shumta nga publiku dhe autoritetet, të cilët kërkojnë që të merret masa për të parandaluar raste të ngjashme dhe për të siguruar që të miturit të jenë të mbrojtur në ambientet edukative.
