Në dhjetor të vitit që lamë pas, këngëtari Nick Jonas dhe aktorja Priyanka Chopra, kurorëzuan me martesë dashurinë e tyre.
Ceremonia e dasmës së çiftit përfshinte traditat e të dyja palëve dhe u kthye në dasmën më të komentuar në media.
Vazhdimisht nëpër intervista apo edhe në postime të ndryshme në rrjete sociale, Nick dhe Priyanka kanë treguar se janë kokë e këmbë të dashuruar dhe po jetojnë kohën më të lumtur me njëri-tjetrin.
Madje, Priyanka është shumë e afërt me njerëzit e bashkëshortit të saj dhe ka një marrëdhënie super të veçantë me vëllezërit e tij.
Joe dhe Kevin janë thuajse si vëllezër edhe për Priyanka-n dhe ajo nuk harron “t’ia bëjë qejfin” aty ku duhet.
Sot, Kevin feston 32-vjetorin e tij të lindjes dhe aktorja s’ka vonuar t’i bëjë një super urim në Instagram.
Ajo ka publikuar një foto shumë të këndshme, ku Kevin kujdeset që Priyanka të mos rrëzohet teksa Nick e mban në krahë.
“Për vëllain që gjithmonë më mbështet. Gëzuar ditëlindjen Kevin, uroj që ky vit të jetë më i miri! Të dua shumë”- janë fjalët e Priyanka-s për kunatin në postim.
