Eni Vasili, moderatorja shumë e dashur për publikun shqiptar është bërë nënë për herë të parë. Ajo ka sjellë në jetë dy vajza binjake të cilat i ka pagëzuar me emrat Sofi dhe Nikol.
Ky lajm i ëmbël është bëhet i ditur për “Prive” dhe mësohet se gjendja shëndetësore e Enit dhe binjakeve është e mirë.
Më herët moderatorja ishte e ftuar në emisionin “Në kurthin e Piter Pan” dhe e gjendur përballë fëmijëve, iu desh t’ju përgjigjej shumë pyetjeve për jetën e saj personale. Ajo rrëfeu se partnerin e saj, Armandin, e ka njohur në Tiranë nga disa miq të përbashkët.
“Burrin e kam njohur në Tiranë. Ai ka jetuar në Londër, por kishte ardhur në Tiranë për disa punë të tijat. U njohëm nga miq të përbashkët. Atij iu prishën ca plane pastaj, por s’ka gjë…”, tha moderatorja duke shtuar se ajo tashmë e ka vendosur që nuk mund ta lërë profesionin e saj, ndaj bashkë me bashkëshortin do të vazhdojnë jetën në Shqipëri.
Gjithashtu ajo tregoi se i ka premtuar bashkëshortit një ceremoni të thjeshtë martesore, por që të jenë të pranishme dhe vajzat. Ndërsa për dy vogëlushet, Eni zbuloi edhe emrat që kanë zgjedhur.
“Vajzat do të quhen Sofi dhe Nikol… Kështu kemi vendosur. Sofi është emri i gjyshes së Armandit dhe Nikol nga babai im”, tha moderatorja e “Open”.
