Pas fitores në edicionin e 54 të “Festivalit të RTSH-së”, këngëtarja e njohur, Eneda Tarifa, nuk ka qenë pjesë e festivale muzikore.
Ajo ka preferuar që këngët e saj të mos i bëjë pjesë të festivaleve, por duket se tani gjërat do të ndryshojnë.
Këngëtarja pas 11 vitesh do të rikthehet në festivalin e “Këngës Magjike” dhe këngën e saj ia ka besuar Flori Mumajesit.
Lajmin e ka bërë të ditur Eneda nëpërmjet një videoje në Instagram dhe mënyrë më të bukur për ta treguar nuk kishte.
Në video Flori shfaqet duke pastruar dyshemenë e studios dhe Eneda i bën video.
“Kështu që po ju pyes një herë, si thoni a ta konfirmoj pjesëmarrjen time këtë të dielë në Kënga Magjike? A ju ka marre malli të dëgjoni një këngë nga ato të bukurat të miat?” shkruan përkrah videos Eneda.
Pra këtë javë Eneda do të prezantojë këngën me të cilën do të marrë pjesë dhe sigurisht që do të pëlqehet shumë.
Kujtojmë se vitin e kaluar Flori Mumajesi rrëmbeu çmimin e parë në këtë festival me këngën “Plas”.
