Një shtetase italiane realizoi ëndrrën e saj në Shqipëri, duke u bërë nënë në moshën 62-vjeçare.
Marina, një infermiere me profesion, priti shumë kohë të gjente partnerin e duhur dhe pas nuk ia doli, gruaja iu nënshtrua fekondimit ‘in vitro’ në Tiranë dhe solli në jetë vajzën e saj në spital në Romë.
Foshnja lindi e shëndetshme dhe peshonte 3 kilogramë 200 gramë. Marina tregon për mediat italiane se iu drejtua vendit tonë pasi në Itali, ligji nuk e lejonte duke qenë se e kishte kaluar limitin e moshës.
Një tjetër pengesë ishte fakti që ishte nënë beqare dhe për një procedurë të tillë duhet të aplikonte një çift.
“Më mjafton që kjo vajzë të shkojë 18 vjeçë ndërkohë që unë jam ende në jetë, më pas ajo mund të ecë vetë në jetë, pasi fëmijët duhet të jenë të pavarur”.
