Kida publikoi në mesnatë këngën e saj më të re që mban titullin “Dinero”.
Pritshmëritë ishin të mëdha duke qenë se Kida është një ndër këngëtaret më të dashura për publikun shqiptar, por duket se kënga nuk është pritur shumë mirë nga adhuruesit e saj.
Ata nuk i kanë kursyer kritikat duke shprehur pakënaqësinë e tyre. Në komentet në Youtube, disa prej tyre kanë shkruar:
“Kida është këngëtare dhe si këngëtare është super. Kompozitori s’di ça ka dasht me than me këtë tekst”, “Thats more Melinda or Tayna Style, definitely not Kida”, “Je këngëtare shumë e mirë por këtë këngë sen s’ke bo”, “Prisnim më shumë, urgjent ndërroi këta bashkëpunëtorë se publiku s’don kështu.”
Muzika është prodhuar nga Mixey Music ndërsa për tekstin është kujdesur NUK.
Kujtojmë se Kida ka qenë kryefjala e kësaj vere, për shkak të një bashkëpunimi mjaft të suksesshëm me Ledri Vulën dhe Butrint Imerin. Treshja sollën këngën “Dale” që rezultoi hit i kësaj vere.
Mirëpo Kida nuk ka ndërmend të ndalet dhe në një intervistë të dhënë së fundmi për për gazetën zvicerane 20 minuten, teksa është pyetur për bashkëpunimin e saj të ëndrrave, ajo ka treguar dy idhujt e saj ndërkombëtarë dhe me të vërtetë do ishte interesante dhe një arritje e madhe ta shihnim Kidën në një bashkëpunim të tillë.
“Idhujt e mi në muzikë janë Drake dhe Rihanna, bashkëpunimi i diçkaje me ta do të ishte i mahnitshëm.”
