Kejvina Kthella i ka vendosur një “qëllim” të ri vetes. Të merret gjatë gjithë kohës me Luiz Ejllin.
Pas ofendimeve të njëpasnjëshme, së fundmi modelja ka lëshuar një tjetër deklaratë për këngëtarin. Në një bisedë me Amosin ajo është shprehur për Luizin: “Mos u habisni nëse ju del i martuar dhe me kalamaj.”
View this post on Instagram
Kjo nisur nga “gënjeshtra” që sipas Kejvinës Ejlli tha në lidhje me sëmundjen e tij.
Kujtojmë që mbrëmjen e djeshme, Kejvina po e sulmonte Luizin për mënyrën se si ai i drejtohet banorëve të tjerë.
Por, debati i ashpër nisi nga një ofendim i Kejvinës për Luizin, e cila iu drejtua duke i thënë që “e vetmja gjë e bukur që ka është kostumi”, për të vijuar më tej me një përgjigje nga ai dhe më pas ofendime nga Kejvina.
Në një moment Kejvina arriti deri në atë pikë sa i përmendi Luizit babain, i cili nuk jeton më. Banorja e “BBV” i drejtohet më shumë se një herë Luizit me fjalët: “Unë e kam në jetë babain zemra, e kam ende gjallë.”
Luizi vendosi të mos i përgjigjet Kejvinës për këtë deklaratë që kalon çdo kufi , ndërsa banorët e tjerë ishin të shpejtë për ta “justifikuar” dhe mbështetur modelen sepse “ishte shumë e nxehur.” Ofendimet nuk mbaruan me kaq, pasi Kejvina vijoi duke iu drejtuar Luizit për sëmundjen, e quajti “të pisët”, “copë mishi me dy sy” dhe njeri që “nuk meriton të marrë frymë.”
