Aktori i humorit Rezart Veleshnja është sërish beqar. Pas një lidhje që zgjati dy vjet me grimieren e filmave aksion, Pranvera Metolli, Rezi ka hyrë në listën e beqarëve.
Vetë aktori ka konfirmuar se tashmë fejesa është prishur, ndërsa për “Blitz” ka dhënë edhe arsyen e ndarjes:
“Është e vërtetë që jemi ndarë. Ishte për arsye pune dhe mospërputhje oraresh. Ajo është gocë e përkryer dhe unë e kam xhan, edhe pse ajo është rritur në një ferrë të madhe. Unë kuptova njëherë e mirë shprehjen se nga ferra mbin trëndafili”, tha aktori.
Edhe nga profilet e tyre zyrtare në “Facebook” dhe “Instagram”, dyshja ka fshirë tashmë fotot me njëri-tjetrin. Ata kanë ndërruar statusin “i/e fejuar”, duke dëshmuar se bashkëjetesa e tyre ka marrë fund.
