Ndërsa prej vitesh jetojnë në Londër, aty ku nisi edhe karrierën vajza e dytë e familjes, prindërit e Rita Orës vendosën që të vijnë për disa ditë pushime në Shqipëri.
Vera dhe Besnik Ora (Sahatçiu) kanë vizituar ditën e djeshme një nga restorantet më të njohura që ndodhet në Lezhë.
E mrekulluar nga ushqimi tradicional dhe bio, Vera i këshilloi dy vajzave dhe djalit të saj që ta vizitojnë patjetër këtë vend.
“Duke nisur nga vera e bërë vet, vezët e patës dhe çdo gjë tjetër. Farma është kaq impresionuese me ambientin”, shkruan në një foto të publikuar në InstaStory Vera Ora.
Më tej udhëtimi vazhdoi në Shkodër, ku çifti kishte ndalur në një prej dyqaneve të luleve për të blerë një të tillë.
Në një video, nëna e këngëtares së famshme shqiptare shprehet se i do shumë lulet dhe tregoi sesi ndodhi momenti që ndaloi për ta blerë.
