Fero dhe Arbenita i dhanë fund beqarisë pak ditë më parë, duke i thënë “PO” përgjithmonë njëri-tjetrit. Dyshja publikuan foto nga ceremonia, që në fakt i habiti fansat e çiftit që u bë aq shpejt. Mirëpo më pas u zbulua se ata do të bëhen prindër për herë të parë dhe kjo i shpjegoi të gjitha.
“Iconstyle.al” siguroi një foto nga ceremonia e kurorëzimit të çiftit, ku Arbenita shfaqej me fustanin e kuq ngjitur pas trupit, tek i cili i dallohet qartë barku i rrumbullakosur. Mirëpo një detaj mbeti i pa zbuluar, gjinia e bebushit që do të vijë në jetë.
“Prive.al” ka mësuar nga burime pranë çiftit se Fero dhe Arbenita do të bëhen prindër të një vajze. Gjithashtu është bërë e ditur se këto kohë, Arbenita po qëndron në Kosovë, ku edhe ka zhvilluar kontrollet rutinore për shtatzëninë e saj. Bebushja pritet të vijë në jetë brenda pak javësh dhe sigurisht do të ndryshojë plotësisht jetën e dyshes së njohur.
Fero dhe Arbenita u kritikuan për martesën e tyre në një moshë të re, por modelja nuk i la pa përgjigje kritikuesit.
“Dikush nuk u shkollua fare, por u bë milioner në moshën 21 vjeçare. Dikush u martua 20 vjeç, por u divorcua 5 vite më vonë. Dikush u martua në moshë 33-vjeçare dhe gjeti dashurinë e përjetshme. Njerëz të ndryshëm, probleme të ndryshme e histori të ndryshme. S’je vonë, s’je herët, je në kohë!”, ishin fjalët e postimit me të cilat la të kuptohet se mosha për ta s’do të thotë asgjë.
