Dy vogëlushët e familjes, Princi George dhe motra e tij, Princesha Charlotte, duket se po ndjekin hapat e stërgjyshes së tyre, Elizabeth.
Ata kanë pasion për kuajt dhe po mësojnë në kurse kalërimi, teksa duket se janë përmirësuar goxha shumë. Sipas ‘The Times’, Princ William është i emocionuar që fëmijët e tij kanë interes për të mësuar se si të kalërojnë.
7-vjeçari, George ka marrë mësime që në moshën 4-vjeçare, ndërsa Charlotte ka qenë gjithmonë e mahnitur nga kuajt.
Në një event të pallatit mbretëror, dukesha Kate Middleton pranoi se Charlotte ka gëzuar një dashuri të madhe për kujat qëkur ishte 1-vjeç, njësoj si gjyshja e saj, Mbretëresha Elizabeth.
Duket se janë në rrugën e duhur!
Ndërkohë, kujtojmë se Mbretëresha Elizabeth dhe Princi Philip janë vaksinuar kundër Covid-19.
Sipas burimeve pranë familjes mbretërore, Mbretëresha 94-vjeçare vendosi që ta bënte publik këtë lajm, për të rritur besimin mes popullit dhe për të parandaluar spekulimet e mëtejshme mbi vaksinat. Mbretëresha, 94, dhe Princi Philip, 99 vjeç, janë mes rreth 1.5 milionë njerëzve në Mbretërinë e Bashkuar që kanë bërë dozën e parë të vaksinës kundër Covid-19.
Britania e Madhe ka nisur vaksinimin kundër koronavirusit më 8 dhjetor të viti të kaluar. Mbretëria e Bashkuar ka qenë një nga vendet më të prekura nga koronavirusi në Evropë, me mbi 2.8 milionë të infektuar dhe mbi 78,000 viktima.
