Meghan Markle është aq shumë e lidhur pas vjehrrit të saj, Mbretit të ardhshëm të Anglisë, sa Princi Charles i ka vënë një nofkë të pazakontë.
Sipas “Daily Mail”, ai e quan Markle “tungsten”, një lloj metali, sepse ashtu si ky material ajo i duket “e fortë dhe e palëkundur”.
“Princi Charles e admiron Meghan për forcën dhe mbështetjen që ajo i jep Harry-t, i cili ka nevojë për një imazh të tipit “tungsten” në jetën e tij, pasi është njeri i butë. Tashmë kjo fjalë është kthyer në një term mirësjelljeje”, tha një burim për “Daily Mail”.
Mediat raportuan më herët se Meghan kishte ndihmuar në rregullimin e marrëdhënies mes Princit Charles dhe Harry-t:
“Kur Meghan takoi Princin Charles u mahnit nga sharmi i tij. Ajo i tha Harry-t që ai ishte i mrekullueshëm, mikpritës, njeri i qëndrueshëm dhe punëtor. Ajo ia bëri të qartë Harry-t që duhet ta vlerësonte të atin dhe të lidhej më shumë me të”.
Ndërsa Charles ishte shumë i impresionuar nga Meghan, u tha miqve:
“Ajo është kaq inteligjente dhe e këndshme. Ajo e bën Harry-n të lumtur. Nuk mund ta donim më shumë”.
Burimi: Elle
