Robert Aliaj na ka kthyer pas në kohë, atëherë kur ‘lidhja’ e djalit të tij, Kristit me Keisin në ‘BBV2’, bëri shumë bujë, por më shumë, hyrja në shtëpi si banor i Sabianit, babait të Keisit.
Aliaj e ka cilësuar të papranueshëm dhe primitiv kontrollin e këngëtarit mbi vajzën e tij në këtë ‘reality-show’, gjë të cilën nga ana tjetër Kristi, siç thotë ai e ka menaxhuar situatën më së miri.
Roberti ka prekur një problem social aktual në vendin tonë ku prindërit shpesh bëhen më shumë se duhet kontrollues ndaj fëmijëve, gjë e cila sipas artistit është totalisht e gabuar.
“Kur hyri Sabiani ishte karikaturë. Unë e njoh qetësinë e Kristit, ai është njeri që gjykon, nuk është emocional. Ai bëri atë që e keni parë të gjithë. Tregoi një gjë të madhe, sepse mund të kishte ndodhur edhe një gjë e rëndë aty. Unë, për shembull, nuk do ta bëja kurrë, që t’i futesha vajzës sime në një show. Këto janë gjëra shumë brutale, jashtëzakonisht primitive. Nuk ka mundësi të ndodhin këto gjëra. Ti nuk mund të vish të denigrosh fëmijën tënd publikisht në televizion, se është denigrim ky, mosbesim dhe kontroll. Nuk do ta bëja kurrë këtë me vajzën time, besoj tek vajza ime dhe i jap asaj nëpërmjet edukimit armët për t’u mbrojtur vetë ajo”, tha ai.
