Prezantuesja Megyn Kelly ka deklaruar se familja Kardashian është “një forcë për të keqen”, duke vlerësuar ata se kanë qenë “shumë përgjegjëse” për fokusin në “egon, klikimet dhe pëlqimet” në shoqëri.
Prezantuesja televizive, vuri në shënjestër familjen e reality-showt – të kryesuar nga Kris Jenner, në një episod të fundit të Megyn Kelly Show, në të cilin ata u diskutuan.
Ajo vuri në dyshim ndikimin që Kim Kardashian , ka në shoqëri, duke thënë se ka një “kotësi të pakrahasueshme” dhe promovon një “përqendrim jashtë kontrollit” në pëlqimet e mediave sociale. Megyn – e cila intervistoi familjen për TODAY në 2017 – tha gjatë emisionit të saj se ajo nuk “e kundërshton vërtet” që gratë të përqafojnë trupin e tyre ose të tregojnë fizikun e tyre.
Ajo tha: “Ajo që unë kundërshtoj, si Kardashians, është kotësia e pakrahasueshme. Vetëpromovimi jashtë kontrollit fokusohet tek vetja, egoja, klikimet, pëlqimet. Ata janë jashtëzakonisht përgjegjëse për këtë në shoqërinë tonë. Ata nuk e bënë vetë, por më shumë se çdo tjetër, ata kanë pasur një efekt të tmerrshëm në këtë gjë dhe unë i fajësoj ata.”
Megyn kujtoi intervistën e saj të kaluar me familjen, në të cilën ajo i pyeti ata për perceptimin se fotot e tyre i shtyjnë njerëzit drejt “qëllimeve sipërfaqësore që janë të paarritshme”.
Ajo i pyeti ata: “A jeni forcë për të mirën apo forcë për të keqen?” Kim iu përgjigj pyetjes duke thënë se ata “kanë treguar shumë më tepër gjëra pozitive” sesa sipërfaqësore.
Duke reflektuar për intervistën tani, Megyn tha: “Ata më dhanë përgjigjen e tyre, por sa më shumë që i kam parë gjatë viteve, aq më shumë mendoj se ajo është forcë e keqe”.
Ajo ndau pikëpamjen e saj se duket ‘e pashëndetshme’, duke thënë se “kotësia e tyre e neveritshme” është “përhapur si flakë” në shoqëri. Ajo shtoi: “Kultura e selfieve është e neveritshme për mua. Nuk dua të shoh më kurrë një foto të Kim Kardashian. U lodha duke parë gjoksin dhe të pasmet e saj sa herë hap faqet e Neë York Post e Daily Mail, më vjen për të vjellë. Dhe jo vetëm atë por dhe motrat e saj, ma shpifën”
