Shumë prej nesh zgjedh që ta shpreh besimin fetar hapur. Personazhet publikë, ashtu si ju, vendosin që të mbështesin fenë e besimit të tyre. Një prej tyre është edhe moderatori i “Top Channel”, Isli Islami.
Ne mësuam përmes ekranit dimensionin tjetër të moderatorit, i cili ka aftësi në disa sfera. Njëra ishte pikërisht kënga! Isli vendosi që të tregojë për herë të parë zërin e tij për muzikë, teksa performoi krah Eugent Bushpepës.
Por në fakt kjo nuk është hera e parë që moderatori këndon para publikut. “ICONstyle” zbuloi se drejtuesi i mëngjesit në “Top Channel” performon në Kishën “Rilindja” për besimtarët e krishterë, fesë që i përket edhe ai.
Një burim për “ICONstyle”, na dërgoi disa foto para nisjes meshës së të dielës së 30 tetorit. Isli i veshur “casual” bardhë e zi, këndoi këngët kushtuar Zotit para dhjetëra besimtarëve bashkë me muzikantët e tjerë. Disa nga këngët e regjistruara ekzistojnë edhe në “Youtube”. Moderatori Isli është besimtar dhe shkon çdo javë në kishë, ndërsa ne e përgëzojmë për kontributin dhe mbështetjen që jep në shoqëri.
Burimi: Iconstyle
