Presidenti Joe Biden ka rezultuar pozitiv me Covid-19 pas një testi që ka bërë ditën e djeshme (e mërkurë).
Biden i cili është 81-vjeç, ka patur fillimisht disa simptoma të lehta, sakaq mjeku i tij ka bërë me dije se Presidenti ka marrë dozën e parë të ilaçeve.
“Ndihem mirë,” u tha Biden gazetarëve të mërkurën në Las Vegas, përpara se të hipte në Air Force One për të shkuar në rezidencën e tij në Delaware.
Presidenti do të izolohet atje në përputhje me udhëzimet e Qendrave Amerikane për Kontrollin dhe Parandalimin e Sëmundjeve.
Sa i përket orarit të Bidenit në ditët në vijim dhe aftësisë së tij për të qëndruar i angazhuar, një zyrtar i Shtëpisë së Bardhë i tha CNN se presidenti ka pasur Covid-19 më parë dhe i ka kaluar ato periudha duke bërë shumë telefonata me video. Diçka e ngjashme duhet të pritet në ditët në vijim, tha zyrtari.
