Lufta Izrael-Palestinë ka hyrë në ditën e 30-të. Bombardimet e pamëshirshme në Gazë vazhdojnë, ndërsa gazetarët dhe punonjësit e ndihmave qëndrojnë në krye të detyrës.
Në rrjet është duke qarkulluar një video e një gazetari palestinez i cili po raporton nga Gaza mes ankthit për një tjetër bombardim apo sulm nga ajri dhe toka. Ai thotë se shpresat që lufta të përfundojë janë shumë të vogla e çdo ditë e më shumë po vriten njerëz.
“Nuk durojmë dot më, jemi të rraskapitur”, ishin fjalët e një gazetari palestinez në Gaza, i cili ndërpreu raportimin e tij dhe hodhi pajisjet mbrojtëse.
Një nga kolegët e tij dhe 11 anëtarë të familjes së tij u vranë në shtëpinë e tyre në Gaza. Korrespodenti i Al Jazeera, heq përkrenaren dhe jelekun, ndërkohë prezantuesja në studio nuk mbante dot lotët.
“Nuk ka mbrojtje apo imunitet ndërkombëtar. Këto jelekë dhe helmeta nuk na mbrojnë. Është vetëm një fjalë (duke iu referuar shkrimit PRESS në veshjen e gazetarëve që mbulojnë zonat e luftës), që nuk bën absolutisht asgjë për të mbrojtur asnjë gazetar. Këtu jemi edhe ne viktima. Na vrasin njëri pas tjetrit me kosto zero. Thjesht po presim radhën.Kolegu ynë, Mohammad Abu Hattab, ishte këtu 30 minuta më parë dhe tani ai ka vdekur së bashku me gruan, vëllanë e tij. Dhe shumë anëtarë të tjerë të familjes së tij janë viktima brenda spitalit”, shtoi ai.
Ai gjithashtu theksoi se bombardimet izraelite janë bërë të padurueshme për banorët e Gazës. Askush nuk kujdeset për ta apo për shkatërrimet dhe krimet e përhapura në Gaza, shtoi ai duke shpërthyer në të qara.
“We are waiting for our turn, one after the other.”
A Palestinian journalist from Gaza ripped off his protective gear during a live report after one of his colleagues was killed in an Israeli attack. pic.twitter.com/6SgOg0vkg6
— Al Jazeera English (@AJEnglish) November 3, 2023
Sipas Komitetit për Mbrojtjen e Gazetarëve (CPJ), gjithsej 36 gazetarë kanë humbur jetën në përleshjet në Gaza.
