Goditja e vendit nga pandemia ndër të tjera bëri që vëmendja e shërbimit shëndetësor të drejtohej tek të infektuarit, duke pezulluar çdo ndërhyrje tjetër, përveç urgjencave.
Tashmë, që situate është përmirësuar ndjeshëm, ministria e Shëndetësisë, Ogerta Manastirliu deklaroi sot se në spitalin e Kirurgjisë në QSUT po planifikohet rihapja graduale, që përfshinë ndërhyrjet e planifikuara duke nisur nga data 18 maj.
Manastirliu pohoi se vlerësimi në fjalë u bë nga Komiteti Teknik për situatën e Covid-19, duke marrë shkas edhe nga rastet e fundit në këto 2 javë të hapjes pas heqjes së disa masave kufizuese.
“Nga data 18 maj do të rifillojnë gradualisht operacionet e planifikuara, në spitalet rajonale dhe universitare. Koeficienti i riprodhimit paraqitet nën 1, çka ka bërë që sot Komiteti Teknik i Eksperteve të vlerësojë edhe rihapjen graduale te sistemit shëndetësor në spitalet rajonale dhe universitare nga data 18 Maj. Gjatë kësaj jave duhet që të gjithë strukturat të angazhohen maksimalisht për t’u bërë gati për rihapjen graduale të shërbimeve të kirurgjisë së planifikuar”, tha ministrja.
Numri 1 i shëndetësisë në vend theksoi se janë garantuar të gjithë shërbimet së i përket urgjencave kirurgjikale dhe patologjive malinje, dhe shtoi se po vlerësohet rikthimi në normalitet edhe i spitalit COVID-2.
“Jemi duke vlerësuar me komitetin Teknik të Ekspertëve edhe rikthimin në normalitet të spitalit universitar ‘Shefqet Ndroqi’, i cili i është dedikuar COVID2 dhe brenda kësaj jave do të kemi një vendim për të vlerësuar rikthimin në normalitet të këtij spitalit për të ofruar shërbimet e tij”, tha Manastirliu.
Nga ana tjetër, edhe kirurgët u shprehën se janë gati që shërbimi t’i rikthyehet në normailtetit, si fillim me kapacitete të reduktuara dhe më pas të vijojë puna normalisht në shërbim të qytetarëve.
“Do të doja që qytetarët të jenë të ndërgjegjshëm për distancim social dhe higjenën personale, ndërsa shërbimi i kirurgjisë është gati, si fillim do të fillojmë me kapacitet më të ulët, me ndërhyrje më urgjente, për ta shtrirë hap pas hapi”, tha Arben Gjata, kreu i Task Forcës.
/Gazeta Reforma
