Prej disa ditësh aktorja e njohur turke, Farah Zeynep Abdullah ndodhet në Shqipëri dhe po kalon pushimet në bregdetin e vendit tonë.
Ajo ka zgjedhur Vlorën dhe Sarandë si destinacionet e pushimit dhe duket se këto qytete i kanë pëlqyer shumë.
Në postimet e saj në rrjetet sociale ajo ka treguar se Shqipërinë e do shumë dhe se bregdeti ynë është ndër më të bukurit në Europë.
Në postimet që aktorja ka bërë në rrjetet sociale ka marrë komente të shumta nga fansat shqiptarë, të cilët shprehen se janë shumë të lumtur për vizitën e saj.
Farah Zeynep është bërë e njohur për publikun shqiptar pas rolit të suksesshëm në serialin “Kurt dhe Sura”, ku ishte aktorja kryesore.
