Mide Dumani ka 6 vjet që jeton larg fëmijëve të saj Evës dhe Endrit, të cilët sot kanë emra arabë Sara dhe Tahla dhe ndodhen në Siri.
Megjithëse larg, ajo ka folur me të bijën, e cila i kërkon ndihmë nënës dhe dëshiron të bashkohet me familjen.
“Veç duam të vijmë atje. Nuk kemi nevojë për asgjë. Veç të vijmë atje. Ti më the mua që do ju heqin të gjithëve bashkë, kur e morëm vesh ne ata thanë veç Kosova. Ndoshta dhe neve vijnë na marrin sot… Nuk dimë gjë”, ishte mesazhi I së bijës.
14-vjeçarja paralajmëron rrezikun që e pret nga sulmi turk në Siri dhe zhvendosja e tyre nga autoritetet kurde.
“Top Channel” bën me dije se në 2014-n Shkëlzen Dumani rrëmbeu në atë kohë djalin e tij 5-vjecar dhe vajzën 8-vjeçare pa dijeninë e bashkëshortes, Mides.
Ai kishte punuar në Arabinë Saudite si hidraulik për 2 vite, ku besohet se krijoi lidhjet me ISIS. Por pak muaj pas arritjes në Siri, Shkëlzeni humbi jetën në luftën krah grupit militant të shtetit islamik duke i lënë fëmijët me nënën e tij.
/TCH
