Vendimi për pëfundimin e spektaklit “Keeping Up With The Kardashians” duket se nuk ka qenë fare i lehtë për familjen Kardashian-Jenner. Në një promo të re për episodet në vazhdim të reality show-t, që rikthehet në 6 maj, familja e famshme shihet e përfshirë nga emcionet teksa vendos t’i japë fund spektaklit pas 20 sezonesh.
“Duhet të jemi të gjithë në njëjtën mendje, sepse është një vendim i madh”, shprehet Kris Jenner.
“Ishte biseda më e vështirë që na është dashur të bëjmë ndonjëherë”, shton Kim Kardashian gjatë rrëfimit të saj, duke ju referuar faktit se duhet të flasë me skudarën e “KUWTK” dhe t’i tregojë vendimin.
Më pas Kim shihet në video duke telefonuar një mikun e saj dhe mes lotësh i thotë: “I dhamë fund Keeping Up With The Kardashians”. Gjithashtu edhe Kris Jenner shfaqet e përlotur dhe konfuze nëse kanë marrë vendimin e duhur.
“Është e vështirë që të mendosh për fundin. Shumë gjëra po përfundojnë dhe unë vazhdoj e pyes veten, a morëm vendimin e duhur?”, thotë Kris e prekur.
We’re taking a little break fam ❤️ There are more new episodes to come starting Thursday, May 6 on E! #KUWTK pic.twitter.com/tj7JIGGkGK
— Kardashians on E! (@KUWTK) April 23, 2021
Familja e njohur në muajin shtator njoftoi se sezoni i 20-të i spektaklit do të jetë dhe i fundit. Spektakli, i cili u krijua në bashkëpunim me Ryan Seacrest, u transmetua për herë të parë në vitin 2007.
