Moderatorja Jonida Vokshi ka treguar për ndjekësit e saj në Instagram se gjatë spektaklit të mbrëmshëm të “Big Brother Vip Kosova” nuk ka qenë në gjendje të mirë shëndetësore.
Përmes një videoje të publikuar në profilin e saj, Jonida tregon se ka qenë gjatë gjithë kohës me ethe, që vijojnë edhe sot. Ajo shprehet mes të tjerash së “këto janë prapaskenat e atyre që dalin në ekran.”
“Shpresoj të jeni mirë me shëndet. Unë kam kaluar një natë me ethe, me kollë dhe këto janë prapaskenat e personave që dalin në ekran. Në Prime-in e mbrëmshëm kam qenë me ethe gjithë kohës, nuk kam qenë në gjendjen time me të mirë”- thotë Jonida.
“Big Brother Vip Kosova” ka nisur tashmë prej një jave, nën moderimin e Alaudin Hamitit dhe Jonida Vokshit. Mes shumë angazhimeve, kjo e fundit ka gjetur pak kohë për ndjekësit e saj në rrjetet sociale, të cilëve iu ka dhënë mundësinë t’i drejtojnë pyetje.
Sigurisht pjesa më e madhe e pyetjeve ishin në lidhje me programin “Big Brother Vip Kosova”, për të cilin kurioziteti nis që nga emri “nysa” që moderatorët kanë përgjedhur për të përshëndetur banorët.
“Çfarë kuptimi ka fjala nysa?”- e ka pyetur një ndjekës Jonidën, e cila sqaroi: “Atëherë, nys përveçse fajlë përkëdhelëse është syn (lexuar nga fundi në fillim) dhe në kosovë përdoret shumë syn (syri), Big Brother ju vëzhgon”
