Një vajzë e re 22-vjeçare nga Vora është arrestuar pasi kishte vjedhur 6400 dollarë në shtëpinë e prindërve të bashkëshortit.
Ngjarja ka ndodhur në fshatin Marqinet të Vorës ndërsa e arrestuara është F., Bumja, e cila jeton shumë pranë me shtëpinë e vjehrrit, e ka pranuar se ka vjedhur para për të mobiluar e kompletuar shtëpinë e saj.
“I kam vjedhur për të blerë perde dhe gjëra të ndryshme për të kompletuar shtëpinë. Burri nuk di asgjë, pasi atij i kam thënë që paratë m’i jepnin prindërit e mi”, është shprehur 22-vjeçarja.
Vjedhja është realizuar në periudha të ndryshme përgjatë një viti dhe, sipas saj, i shoqi ka qenë jashtë kësaj historie. Vjehrri dhe vjehrra kishin nisur të dyshonin prej pak kohësh dhe më pas kanë vendosur që ta denoncojnë rastin.
22-vjeçarja jetonte me bashkëshortin në një shtëpi më vete ndërsa prindërit e bashkëshortit të saj prej pak kohësh jetojnë vetëm, pasi djalin tjetër e kanë në emigracion dhe herë pas here, nga puna që bën jashtë vendit, u dërgonte para.
Duke dyshuar se vërtet vjehrri me vjehrrën kishin prova kundër saj, ajo e ka pranuar autorësinë e ngjarjes, nga e cila ka përjashtuar plotësisht bashkëshortin, duke thënë se ai nuk dinte asgjë.
/ABC News
