Më datën 4 të muajit mars, Zvicra do të shpallë fituesin e festivalit që do të përfaqësojë vendin në “Eurovision”.
Një emër shumë i lakuar për të fituar është ai i shqiptarit Gjon Muharremaj, i njohur nga të gjithë si Gjon’s Tears.
Fansat po mbështesin pafund në rrjete sociale këngën e tij “Repondez-moi” dhe janë të bindur se Gjoni do ta përfaqësojë vendin në “Eurovision”.
Këngëtari ka lindur në Zvicër nga dy shqiptarë, nëna nga Shqipëria dhe babai nga Kosova.
Fillimisht, Gjoni e bëri për vete publikun shqiptar me pjesëmarrjen në “Albanian’s got talent” kur ishte në moshë të vogël, ndërsa më von mahniti Francën me zërin e tij në “The voice of France”.
Shpresojmë shumë që artisti shqiptar t’i bashkohet këtë vit Arilena Arës në “Eurovision”!
Ky festival do të mbahet këtë vit në Rotterdam.
Nata e parë gjysmëfinale e “Eurovision” do të mbahet më 12 maj, nata e dytë më 14 maj, ndërsa finalja e madhe mbahet më datën 16 maj.
