Pas diss-eve të shumta, Drake dhe Kendrick Lamar iu është prezantuar një zgjidhje përfundimtare: një ndeshje në ring. Ideja u ngrit nga legjenda e WWE Shawn Michael, i cili e sugjeroi këtë pas diss-eve të njëpasnjëshme.
Ai shkroi në rrjetet sociale: Kendrick Lamar dhe Drake jeni të ftuar zyrtarisht në #WWENXT për të zgjidhur këtë çështje. Unë madje po ofroj shërbimet e mia për të ndërmjetësuar.”
Mes luftës së dy reperëve në industrinë e hip-hop-it, disa e kanë emëruar Krendrick si fitues.
Kujtojmë se Drake iu përgjigj Kendrick Lamar me diss-in e radhës titulluar ‘The Heart Part 6’. Kënga doli 24 orë pasi Kendrick publikoi këngën ‘Not Like Us’. Pas publikimit të këngës së tij, Drake shkroi se është i sigurt që reperi Kendrick do të nxjerrë një diss tjetër 6 minuta pasi të dëgjojë ‘The Heart Part 6’.
Në diss-in e tij të fundit, Drake thotë se dikush në skuadrën e tij ‘ushqente’ Kendrick me informacione të rreme.
