Luana Vjollca po merr famë edhe jashtë kufijve të Shqipërisë dhe emri i saj po lakohet edhe në mediat e huaja.
Ajo është vendosur në kopertinën e revistës së njohur turke “Modda Turkey” për muajin maj, e cila ka zhvilluar edhe një intervistë ekskluzive.
Ka qenë vetë moderatorja e njohur, e cila e ka postuar intervistën në InstaStory dhe ka treguar disa detaje rreth jetës së saj.
Madje, Luana ka rrëfyer disa të vërteta për të cilat nuk i dinim më herët.
Moderatorja e njohur është shprehur se kur ishte e vogël dëshironte të bëhej një basketbolliste e njohur.
“Aktiviteti fizik është i rëndësishëm për këdo, jo vetëm për njerëzit që shfaqen në televizion. Unë nuk kam shumë kohë të mjaftueshme që ta praktikoj. Nëse kthehem herët në shtëpi, i dedikohem vetes time duke ushtruar aktvitet fizik. Kur isha e vogël, më pëlqente që të luaja basketboll dhe ëndërroja të bëhesha një basketbolliste e njohur, por kurrë nuk e fillova dhe sot nuk pendohem”, është shprehur Luana Vjollca.
Ajo në intervistën me revistën turke ka treguar gjithashu se çfarë muzike pëlqen dhe për momentin Luana qenka fiksuar me këngët e Billie Eilish.
