Shumë shpejt, në emisionin “E diell” në “Top Channel” do të përfshihet një rubrikë e re e cila i dedikohet tërësisht të rinjve.
Moderatorja e emisionit, Nevina Shtylla, ndau me ndjekësit në Instagram dy foto ku shpjegonte se ç’do të përmbante kjo rubrikë e re.
Bëhet fjalë për njohjet mes të rinjve shqiptarë, të cilat do të ndodhin para kamerave.
Dy vajza të quajtura Ina dhe Antoneta do të vihen përballë djemve, për të zgjedhur mes tyre atë më specialin për to.
Kjo është hera e parë që në Shqipëri i dedikohet një rubrikë në emision njohjeve të vajzave dhe djemve, ashtu siç ndodh në emisione të huaja, si “Uomini e Donne” në Itali.
Që tani u bëmë kuriozë të shohim se si do të funksionojnë njohjet e të rinjve, të cilëve i duhet të ndajnë çdo moment me publikun në ekran.
Megjithatë, ende nuk është bërë e ditur se kur do të nisë transmetimin emisioni, i cili po vjen me risi të mëdha këtë sezon të ri televiziv.
