Moderatorja Arbana Osmani u bë kryefjala e mediave disa javë më parë, pasi u përfol se për shkak të një sherri me Ben Blushin, do të largohej nga “Top Channel” dhe do ta linte në mes emisionin e saj.
Mirëpo së fundmi, moderatorja ka treguar se jo vetëm do ta shohim sërish në “Top Channel”, por edhe me të njëjtin program, “Dua të të bëj të lumtur”.
Vetë Arbana e ka konfirmuar këtë pak më parë, duke ftuar të gjithë ndjekësit me histori interesante të aplikojnë për të marrë pjesë në emisionin e saj.
Gjithashtu, ajo ka zbuluar dhe muajin në të cilin emisioni do të nisë transmetimin.
“Dua të të bëj të lumtur”, “Top Channel”. Ndërkohë, programi juaj i preferuar rikthehet në janar në “Top Channel”.- shkruan Arbana krahas fotos së saj në Instastory.
Kujtojmë se shumë shpejt në ekran do të shohim edhe realityshow-n “Big Brother”, i cili gjithashtu do të moderohet nga Arbana Osmani.
Më herët ajo ngriti dyshimet për nisjen e tij, duke u shprehur në Instastory:
“Do doja të dija diçka, por unë nuk di. Shpresoj t’ju shoh së shpejti gjithsesi”.
Megjithatë, ky lajm u konfirmua nga skenografi Fatmir Minga, i cili tregoi se shtëpia e “Big Brother” do të ndërtohet brenda “Top Channel”, në studiot e reja “Nova”.
