Reperi i njohur Gashi gjithmonë e ka treguar me krenari origjinën e tij shqiptare dhe në festivalin “Sunny Hill” u shfaq i veshur me një bluzë me shqiponjën e madhe dykrenare në shpinën e tij.
Ai mban gjithmonë një varëse me shqiponjën, ndërsa së fundmi duket se ka një surprizë të madhe për fansat.
Në profilin e tij në Instagram, Gashi tregoi një version të veçantë të atleteve “Nike”, të cilat ishin të stampuara me kapuçin karakteristik të reperit në ngjyrë portokalli si dhe shqiponjën dykrenare.
Këto atlete i pëlqyen shumë fansave të tij, të cilët e pyesnin reperin në komente se si mund të porosisnin një palë të tilla.
Ende nuk dihet nëse këto atlete do të dalin në treg për të gjithë, apo janë të personalizuara vetëm për Gashin. Ne po shpresojmë të jetë ajo e para!
