Aktori Aaron Taylor-Johnson ka folur së fundmi lidhur me Brad Pitt. Ai ka thënë se aktori i njohur ka një listë “të mirë” dhe “të keqe” të aktorëve me të cilët do dhe nuk do të punojë.
Aaron dhe Brad luajnë së bashku në “Bullet Train” të drejtuar nga regjisori i “John Wick” dhe “Deadpool 2” David Leitch.
Duke promovuar sipërmarrjen e tij të fundit në ekran në Festivalin e Filmit në Locarno në Zvicër, aktori tregoi se si ishte puna me Pitt.
Duke iu referuar Pitt si një “qenie njerëzore mjaft të hijshëm dhe modest”, aktori i tha Variety, “Ai është në një kapitull të ri të jetës së tij, mendoj”.
Taylor-Johnson, i cili ka luajtur më parë në filma aksion si “Kick-Ass” dhe “Avengers: Age of Ultron” tha për Pitt se: “Ai thjesht dëshiron të sjellë dritë dhe gëzim në botë dhe të jetë rreth njerëzve që janë atje për të pasur një kohë të mirë”.
“Ju punoni me shumë aktorë dhe pas një kohe filloni të bëni shënime: “Unë definitivisht nuk do të punoj më me këtë person.” Brad ka gjithashtu këtë listë: ku fut aktorën e “mirë” dhe aktorët që s’do të pranojë të luajë më.
Brad Pitt është një ndër aktorët më të dashur dhe simpatik të Hollywood-it. Më herët, ai habiti me paraqitjen e tij në premierën e filmit “Bullet Train”.
Ai kishte veshur një fund, gjë që i la të gjithë pa fjalë.
Brad i tha Revistës Variety: “Nuk e di! Ne të gjithë do të vdesim, kështu që le ta ngatërrojmë paksa situatën”.
Brad kishte veshur gjithashtu një këmishë rozë si dhe për aksesor kishte vënë një varëse.
