Një ndër çiftet më të dashur publikun, janë padyshim Amarda Toska dhe Ermal Mamaqi.
Dyshja ishin të ftuar mbrëmjen e sotme në programin “Dua të të bëj të lumtur”, ku iu përgjigjën mjaft pyetjeve nga moderatorja Arbana Osmani.
Një ndër pyetjet që Arbana i drejtoi Amit ishte nëse do ta shikojmë më në television. Ajo tha që nuk ka hequr dorë nga ekrani, por momentalisht është tejet e zënë me projektet e saj.
“Në mendjen time nuk e kam mbyllur. Nuk them kam hequr dorë, por kam krijuar një rrugëtim me disa gjëra të mia dhe të them të drejtën nuk kam një shtysë aq të madhe sa të marr pjesë. Ose ndoshta dhe s’ka qenë projekti i duhur”, tha Ami.
Kujtojmë se dje, Amarda ka festuar 39-vjetorin e saj. Ajo e nisi ditën dje mjaft bukur pasi është surprizuar nga stafi i saj dhe dhuratat që i kanë bërë ata.
Në këtë ditë kaq të veçantë për Amin, nuk kishte si të mungonte urimi i aktorit të njohur të humorit dhe njëkohësisht bashkëshortit të saj, Ermal Mamaqit.
Ai ka publikuar në Instagram një video me moderatoren ku duken shumë të lumtur bashkë teksa festojë ditëlindjen e moderatores. Këtë video ai e ka shoqëruar me dedikimin më të bukur që dikush mund t’i bëjë njeriut të zemrës.
“Njeriu i vetëm që i lejoj të më kontrollojë humorin, lumturinë, jetën…
Gëzuar dashuri. Sa më shumë rritesh ti, aq më shumë kuptoj që do bëhem një plak mistrec, që do më fshehësh librat, purot dhe konjakun se do të duash të shohim filma bashkë”, ka shkruar Ermali.
