Pozat nudo të modeles Marisa Papem në tempujt të lashtë të Egjiptit, i kushtuan asaj lirinë, pasi u quajtën fyerje për kulturën egjiptiane.
Ajo udhëtoi për në Egjipt për të realizuar fotot në fshehtësi, pa leje nga autoritetet. Roja i sigurisë i kishte lënë të hynte pasi i dhanë ryshfet, por pastaj u shfaqën dy persona të tjerë duke e pyetur se çfarë po bënte.
“Ne u përpoqëm që t’ia shpjegonim se ne po bënim art me respektin më të lartë për kulturën egjiptiane, por nuk shikonin një lidhje mes nudizmit dhe artit. Në sytë e tyre ishte pornografi, apo diçka e tillë”, tha ajo.
Modelja belge dhe fotografi Jesse Walke u arrestuan por në kohë rekord arritën që të fshinin fotot nga aparati që të mos i shikonin autoritetet. “Shpirti i lirë”, e cila ka pozuar nudo në 50 shtete, u shpreh se nuk e kishte menduar që do t’i shfaqeshin probleme kur u fotografua me piramidat në sfond.
Pasi kaluan nga një burg në tjetrin dhe dolën para gjyqtarit ata u liruan për mungesë të provave. Kur dolën nga burgu, Walker arriti që të rimarrë fotot e fshira nëpërmjet një programi.
