Ajo është prej kohësh pjesë e tregut muzikor shqiptar, por jetën private ka vendosur ta mbajë larg vëmendjes së publikut. Këngëtarja e dashur e muzikës popullore Poni, ka hapur për herë të parë dyert e shtëpisë dhe ka zbuluar si është atmosfera festive këto ditë.
Gjithçka duket e kuruar në detaj dhe Poni shkëlqen krah dy meshkujve të jetës së saj, djalit Frenkit dhe bashkëshortit. Ajo ka ndarë disa foto të shoqëruara me këtë urim:
“Gëzuar festat me të shtrenjtët tuaj afër vetes!!Festa e vërtetë është dashuria që ne marim dhe japim çdo sekondë, të jetës tonë!Dhe pasuria jonë më e madhe janë njerëzit që na rrethojnë.Jemi qenie njerëzore dhe si të tillë, në çdo fundvit na pelqen të bëjmë bilance! Çfarë shkoi mirë dhe si mund të jemi më mirë etj? Njeriu është qenia më superiore ,por dhe e çuditshme dhe egoiste , dhe si të tillë lodhemi çdo ditë duke kërkuar përsosmërinë dhe më të mirën tonë! Harrojmë se përsosmërinë e kemi para syve tanë çdo ditë ! Mjafton të mos harrojmë asnjëherë se ajo që na ben të mirë , të bukur dhe të lumtur është dashuria ! Gëzuar të gjithëve nga zemra, dhe shumë faleminderit për dashurinë tuaj në çdo fjalë”.
