Emisioni “C’est la Vie” ka zbuluar sekretin e politikanes së njohur shqiptare. Gjatë performancës me partnerin e saj Erik Lloshi, Erisa zgjodhi të jap lajmin e bukur të pritjes së ëmbël. Në fund të këngës, Erisa ka përkëdhelur barkun duke ia treguar me gjeste publikut lajmin e bukur.
Sapo mbaroi performanca Marina vrapoi drejt skenës për ta uruar.
“Joooo, Erisa Xhixho, çfarë lajmi! Ma kap hundën… Erisa Xhixho është në pritje të ëmbël. Është shtatzënë. Erisa, çfarë lajmi na ke sjellë”, iu drejtua Marina pa e fshehur entuziazmin.
Duke e ditur dëshirën e Marinës për të pasur një vajzë fëmijën e parë, Erisa i tërhoqi hundën moderatores.
“Me një gocë, siç ta do zemra”, i tha Erisa Marinës.
“Me një gocë, dashtë Zoti”, tha Marina duke iu gëzuar lajmit të bukur.
Erisa zbuloi se është në muajin e tretë dhe po e përjeton me shumë emocione këtë shtatzëni të dytë.
“Është një moment shumë i lumtur që po kaloj unë dhe familja ime, pra jam në një pritje të fëmijës së dytë”, tha politikania simpatike.
