Qyteti i Korçës, i quajtur ndryshe Parisi i vogël i Shqipërisë, është njohur gjithmonë për vlerat e shumëllojshme historike dhe kulturore që e kanë shndërruar në një destinacion të preferuar për shumë njerëz.
Mikpritja e ngrohtë, ushqimet tradicionale, shoqëruar dhe me traditën e hershme të birrës e kanë shndërruar këtë qytet në një pikë të rëndësishme të zhvillimit të turizmit.
Por së fundmi, Korça është bërë e njohur edhe për festivalin e birrës, i cili mbledh personazhe të njohura shqiptare.
Surpriza e vërtetë e festivalit të këtij viti duket se ishte momenti kur politikani i njohur Niko Peleshi nisi të performonte. Ish-kryetari i Bashkisë Korçë dhe njëherazi ish-zëvendës kryeministër i Shqipërisë ka habitur të gjithë teksa ka kënduar një serenatë korçare në shoqërinë e këngëtarit, Devis Xherahu.
