Policia e Shtetit ka dhënë versionin zyrtar të ngjarjes tragjike që ndodhi sot në kanionet e Holtës ku, një një 25-vjeçare su mbyt, dhe u rrezikua jeta e 6 personave të tjerë.
Në njoftimin e publikuar thuhet se personat e shpëtuar nuk kanë probleme me shëndetin ndërsa po vijon krehja e zonës për t’u siguruar nëse ka persona të tjerë që mund të jenë duke kërkuar ndihmë.
“Personat që kishin humbur kontaktet në kanionet e Gramshit janë gjetur nga Policia dhe Zjarrfikësit. Në dalje të kanionit një vajzë rreth 25 vjeçe nga Lushnja është gjetur e pa jetë si pasojë e rrëmbimit nga rryma e fuqishme e ujit, ndërsa dy të tjeret nuk kane probleme për jetën.
Edhe personat e tjerë që u gjetën më parë nga policia nuk kanë probleme për shëndetin. Në operacionin e kërkim-shpëtimit është përfshirë edhe RENEA me polumbarët e saj. Ndërkohë vijon krehja e zonës së kanioneve për tu siguruar që s’ka persona të tjerë që mund të kenë nevojë për ndihmë”, thotë policia.
