Vijon me grupe të ndara protesta për vrasjen e Klodian Rashës në kryeqytet. Mësohet se disa persona në një grup protestuesish tek Rruga e Elbasanit janë tashmë duke u shoqëruar nga policia.
Në pamje duket flaka që u është vënë në disa raste koshave të mbeturinave, ndërsa nuk kanë munguar as dëmtime të tabelave apo semaforëve në rrugë.
Ndërkohë efektivët e FNSH-së kanë kapur dhe nuk lëshojnë nga dora një potestues. Siç shihet edhe nga pamjet, i riu ka marrë plagë në kokë dhe është gjakosur. Efektivët e Forcave të Ndërhyrjes së Shpejtë e ka rrethuar, e kanë kapur nga xhupi dhe nisin t’i hedhin ujë.
Ata nuk e lëshojnë, ndërsa qytetarët e tjerë kanë ndërhyrë.
“Çfarë të bëri more, ç’të bëro mor…po lëshoje more…”- thonë ata në sfond. Aty shihet edhe një tjetër protestues me xhup të kuq.
Protesta e cila ishte paralajmëruar që mëngjesin e sotëm fillimisht nisi përpara Ministrisë së Brendshme ku protestuesit kanë nisur të gjuajnë drejt institucionit me gurë dhe sende të forta. Ndërkohë nuk kanë munguar as përplasjet me policinë ku këto të fundit kanë përdorur gazlotësjellës për t’i shpërndarë.
Më pas qytetarët janë revoltuar ku kanë kaluar para Biblotekës Kombëtare dhe Muzeut, ku dhe kanë thyer xhamat e tyre. Protestuesit më pas janë zhvendosur më pas tek Ministria e Financave dhe Ekonomisë si dhe përpara Kryeministrisë.
Ata kanë hedhur sende të forta drejt institucioneve ku dhe kanë thyer dyert e Ministrisë. Ndërkohë policia nuk është kursyer ndaj protestuesve duke hedhur gaz lotësjellës dhe ujë ndaj qytetarëve të cilët më pas janë shpërndarë në të gjithë rrugët e Kryeqytetit.
View this post on Instagram
