Altin Mulla mbeti i vrarë gjatë një shkëmbimi me armë zjarri në kufirin greko-shqiptar nga policia e shtetit fqinj me grupin e trafikantëve të drogës. Disa ditë pas tragjedisë, familjarët e 39-vjeçarit kanë hapur dyert e mortit. Nëna e Altinit, Merzi Mulla u ka kërkuar të afërmve dhe miqve të familjes të mos derdhin asnjë pikë loti dhe mos t’ia qajnë djalin.
“Mos qani asnjëra! E prita boll, nuk e deshi jetën”, është shprehur nëna e 39-vjeçarit.
I ndjeri, Altin Mulla kishte vetëm tre muaj që kishte përfunduar dënimin me burg prej 16.8 vitesh heqje lirie pasi ishte shpallur fajtor për vrasjen që kishte tronditur fshatin Fushë-Vërri të Delvinës. Familjarët e tij janë shprehur se mezi prisnin të rikthehej në shtëpi, por për fat të keq ai nuk hoqi dorë nga aktiviteti kriminal, ç’ka i mori edhe jetën.
Burimi: Ballkanweb
