Një ditë pas sulmit terrorist të regjistruar mbrëmjen e djeshme në Bruksel ku fatkeqësisht humbën jetën 2 tifozë suedezë, ka ndërruar jetë edhe autori Abdesalem Lassoued.
45-vjeçari me origjinë nga Tunizia i cili ndodhej në Belgjikë ilegalisht, u qëllua në një përleshje me armë me policinë dhe ndërroi jetë në spital.
Autori që kreu një sulm me bazë fetare, dyshohet se kishte lidhje me ISIS. Para ekzekutimit, ai thirri “Allahu Akbar” dhe shkrepi armën për të marrë hak për vrasjen e një djali 6-vjeçar mysliman në Illinois.
Ngjarja ndodhi në qendër të kryeqytetit belg, ku nga kallashnikovi i 45-vjeçarit u plagosën edhe disa qytetarë të tjerë.
Ngjarje si kjo vërtetojnë që lokalizimi i luftës nuk qëndron vetëm në vendet ku nis, por përhapet shumë shpejt nëpër botë dhe këto janë pasojat e rënda të saj.
