Reperi shqiptar Stresi, emri i vërtetë i së cilit është Arkimed Lushaj, është arrestuar nga policia mbrëmjen e sotme. 31-vjeçari është arrestuar në një hotel në Linzë, ku i është gjetur një sasi e vogël lënde narkotike e dyshuar si kokainë, një armë zjarri pistoletë e tipit “Pjetro Beretta” , si dhe 12 fishekë të modelit 7.65 mm.
“Balkanweb” bën të ditur se reperi akuzohet se është anëtar i një grupi kriminal, që operon në Tiranë.
“Materialet proceduriale i kaluan Prokurorisë pranë Gjykatës së Shkallës së Parë Tiranë për kryerjen e veprimeve të mëtejshme hetimore në lidhje me veprat penale të “Mbajtjes pa leje dhe prodhim të armëve shpërthyese dhe të municioneve” dhe “Prodhimit dhe shitjes së lëndëve narkotike” të parashikuar nga nenet 278/1 dhe 283 i Kodit Penal.”- bëhet e ditur në njoftimin e Policisë.
Pas ndalimit, Stresi është dërguar në paraburgim në komisariatin numër 4 në Tiranë. Kjo nuk është hera e parë që Stresi ka probleme me policinë, madje në raste të tjera është arratisur edhe nga Komisariati.
Të dielën, Stresi publikoi këngën që i dedikohej nënës, me të cilën do të konkurojë në festivalin “Kënga Magjike”.
