Djali 18-vjeçar i këngëtares Madonna, David Banda dha një pasqyrë të jetës së tij pas diplomimit të shkollës së mesme. Në një Live në Instagram, i pyetur nga një fans se përse i pëlqen të jetojë vetëm, David u përgjigj se i pëlqente para se të sqaronte se aktualisht po ndan një shtëpi me të dashurën e tij.
“Është bukur të përjetosh orën 9 të natës, të jem i uritur dhe të kuptoj se nuk kam para të mjaftueshme për të marrë ushqim, nuk kemi ushqim të mjaftueshëm në shtëpi dhe po vuajmë për bukë”, tha ai.
“Eshte qejf”, shtoi djali i divës së njohur.
Një burim i thotë PEOPLE se Madonna dhe David mbeten “shumë të afërt” dhe se superylli “ka qenë gjithmonë mbështetës për të gjithë fëmijët e saj”.
18 vjeçari, jeton në Bronx dhe ka dhënë mësime kitarë për të fituar para shtesë, pavarësisht nga vlera neto e vlerësuar prej 850 milionë dollarësh e Madonës.
Është e paqartë se kur ai u largua nga shtëpia e Madonna-s, por mediat bëjnë të ditur se ai ishte pranë nënës gjatë gjithë luhatjeve shëndetësore. Pas kthimit të saj në shtëpi më shumë se një javë e gjysmë më vonë, Mbretëresha e Pop-it tha se ishte “mirënjohëse” që ishte gjallë pasi kaloi një infeksion të rëndë bakterial.
