Futbollisti i njohur i Kombëtares Shqiptare, Berat Gjimshiti, shumë shpejt do të bëhet baba për herë të parë.
Këtë lajm të bukur e ka konfirmuar ai vetë për “Telegrafin”, teksa ka treguar se partnerja e tij Alisa është në pritje të ëmbël të një bebushi.
Futbollisti rrëfeu se këto janë momente shumë të bukura dhe emocionuese për çiftin që mezi pret të bëhen prindër.
“Jemi duke pritur një fëmijë dhe jemi shumë të lumtur me gruan që do të bëhemi prindër. Lajmi se do të bëhem baba më ka ndryshuar shumë, pasi tani po mendoj ndryshe. Mendoj gjithmonë për tre persona: veten, gruan dhe beben. Kam një motiv më të madh tani, si në karrierë ashtu edhe në jetë, për suksese të reja. Dua të jem një baba shembull për ta rritur fëmijën tim dhe gjithë të mirat.”- është shprehur Gjimshiti.
Në rrjet po qarkun gjithashtu një foto e partneres së futbollistit me barkun e rrumbullakosur, siç mund ta shihni më poshtë:
