Emri i reperes shqiptare, Melinda Ademi, lakohet shpesh në media dhe në të shumtën e rasteve ajo bëhet pjesë e sherreve me “konkurrentet” e saj në muzikë, si Tayna, Rina Balaj etj.
Përveç vajzave që i bëjnë diss-e njëra-tjetrës, duket se disa persona janë “kundër” Melindës.
Madje, disa prej tyre siç thotë Melinda, kanë arritur deri në atë pikë sa blejnë disslike për këngët e saj në Youtube.
Pavarësisht kësaj, reperja premton se s’do të ndalet kurrë.
Për më tepër, ajo shprehet se njerëzit tremben prej suksesit të saj, ndaj mundohen ta ndalin.
“Faleminderit që po mireni kaq shumë me mu, e që po shpenzoni para tu m’ble disslikes në Youtube. E di që po tuteni prej meje, po s’keni faj se edhe unë isha tut. Po unë s’kam m’u nal kurrë, jam krenare për suksesin tem edhe me fansat e mi, e ju hejterat gjith keni me u tut prej meje. Kënga e re vjen së shpejti.”- shkruan Melinda në postimin e saj.
Megjithatë, ajo nuk ka lënë të kuptohet nëse e ka me ndonjë person në veçanti, duke na lënë kuriozë me deklaratën e saj.
