Oriola Marashi, ish-modelja e “Icon Agency”, është një ndër femrat më të komentuara në rrjetet sociale. Jo vetëm një modele e suksesshme, por së shpejti pritet që të hedhi në treg edhe këngën e saj të parë.
Për arritjet e Oriolës më krenare nga të gjithë ndihet e ëma, Xhoi Jakaj, e cila në çdo moment shpreh vlerësimin e madh që ka për të bijën. Madje së fundmi ajo ka postuar në Instagram një foto ku Oriola shfaqet e veshur si nuse, ku e quan “Dielli im”.
Mirëpo një koment i bërë nga një ndjekëse esaj në këtë foto është iniciator i një debati.
“Po ti nxirr një nga ato foto që ka Oriola në Instagram-in e vet, me rroba, pa rroba, se ai është marketingu që ajo synon”, i shkruan komentuesja.
Ky “thumbim” ndaj Oriolës nuk është anashkaluar nga Xhoi, e cila me përgjigjen e saj ia ka mbyllur gojën komentueses.
“Ajo i ka të gjitha. Modelon. Pikturon. Këndon dhe ka zërin më të bukur e të madh që mund të ekzistoj. Do flasim kur të dali në skenë. Sa për ato fotot shumë mirë bën dhe ti mos u merakos fare, por ndiq mësimet apo rrugën që të pëlqen ty në jetë pa u marrë me të tjerët… Ori e ka plot sukses rrugën e saj… Të uroj gjithë të mirat pa të gjykuar çfarë shkruan.”, ia ka kthyer komentueses e ëma e Oriola Marashit.
