Sa herë që i shohim bashkë nuk mund të mos mendojnë se mes tyre ka ende dashuri.
Pavarësisht se janë ndarë prej më shumë se tre vite, Belen Rodriguez dhe Stefano de Martino kanë ndezur thashethemet se mund të jenë rikthyer bashkë, pasi janë parë disa herë në shoqërinë e njëri-tjetrit.
Revista italiane “Chi” arriti të kapë mat çiftin 2 javë më parë gjatë pritjes në aeroport, ku shfaqeshin në momente intime dhe shumë të dashuruar.
Ndaj De Martino u detyrua të flasë për raportin e tyre në “Domenica In”, ku tha se marrëdhënia e tyre është e ndërtuar me shumë dashuri dhe gjithmonë do t’i shohim të përqafuar.
“Është dashur shumë për të arritur deri në këtë bashkim. Janë dashur vite për të ndërtuar këtë harmoni që ka tani mes nesh. Ne nuk e kemi fshehur kurrë atë që na lidh, por njerëzit çuditen kur na shohin të përqafuar, gjithmonë ka qenë kështu. Mes nesh është një lidhje e thellë, një dashuri e madhe që nuk ka nevojë për përkufizime. Belen ka një zemër të madhe dhe është një njeri i sinqertë. Edhe për këtë e zgjodha, sepse nuk shtiret për të bërë një figurë të mirë”, është shprehur ai.
Por disa foto të tjera së fundi, tregojnë se Belen dhe Stefano vijojnë të shoqërohen.
Ata ishin pjesë e shfaqjes së modës Atelier Emé në Verona ku u ulën në rreshtin e parë, njëri pranë tjetrit. Për të mos ngritur dyshime, çifti nuk erdhi bashkë.
Stefano arriti i pari dhe u ul në radhën e parë dhe Belen u paraqit në minutën e fundit, ndoshta edhe për t’i shpëtuar klikimeve të fotografëve, të gatshëm për t’i kapur së bashku.
Gjatë shfaqjes ata patën edhe komente me njëri-tjetrin, për të cilat jemi shumë kuriozë të dimë më tepër.
Balerini i njohur italian është aktualisht beqar dhe nga ana tjetër Belen sapo i ka dhënë fund lidhjes me Andrea Ianonne-n.
Dyshja në fjalë ka pasur një histori dashurie më herët dhe fryt i dashurisë së tyre është një djalë.
A doni më tepër arsye për të qenë bashkë?!
